نفسي فى ابن حلال يسترني ويراعي ربنا فيا (التفاصيل)

اغرب اعلان تم نشره على وسائل التواصل الاجتماعي ، اعلان لبيع سيارة الفا روميو چوليت ٢٠١٥ ، وقد كتب بطريقة اثارت اعجاب المتابعين.

الاعلان يقول: انا اسمي الفا روميو چوليتا ٢٠١٥ 
، انا عايزه اتباع لان صاحبي بعد ما استغلني واخد الي عايزو مني قرر يستغني عني،هما كلهم كده ملهمش امان، كان واخدني من المعرض محدش لمسني قبلو وبيرميني بعد ما لف بيا وقعد يتمنظر بيا قدام صحابو سنين

بس الحق يتقال مكانش حارمني من حاجه ابدا انضف انواع الزيوت والصيانات وبنزين ٩٥ وصارف عليا دم قلبو
مش ع شان استغني عني اجيب سيرتو بالوحش ده سايب رخصتي لحد ٢٠٢٥  النهايات اخلاق برضو

اه صحيح انا معملتش اي عمليات تجميل نهائي غير حتت مكياچ ف العتبه وبس 
طلبي بسيط، نفسي ف ابن حلال يسترني ويراعي ربنا فيا واكون مخلصه ليه بقيت عمري ومهري ٧٥٠ الف بس ومش هنختلف

الي عايزني يكلم الحلو الي بيفرط فيا ع الرقم ده 
٠١٢٨١٨٠٠ وهو هيرد ع طول ما هو مستغني