للاعلان

Tue,31 Jan 2023

عثمان علام

شيماء محمد تكتب: قهوة X فنجان

شيماء محمد تكتب: قهوة  X  فنجان

12:14 pm 11/01/2023

| رأي المستقبل البترولي

| 435


أقرأ أيضا: أرباح سيدي كرير تنمو 131% خلال 2022 وتسجل 1.23 مليار جنيه

شيماء محمد تكتب: قهوة  X  فنجان
 


قصة مُعلم أنما معلم ..جمع تلاميذه فى يوم وقالهم .. تشربوا قهوة ... كلهم قالوا.. ياسلام .. كده هيكون أخر تمام ..طلع فنجاين أشكال والوان .. منهم الشياكة عليه بتبان .. ومنهم اللى معمول من خشب ومن بلاستيك تعبان ..وفرغ لهم القهوة فى كل الفناجين .. وخلاهم واقفين يختاروا وهم محتارين .. ومنهم اللى جريوا ينقوا يشربوا فى أحلى الفناجين .. ومنهم اللى رضى بأى فنجان يتبقى .. وهو راضى ومستكين .. ومنهم اللى بصله بصة شماته بضحك وقالوا ملحقش يا عينى .. المسكين..
بصلهم الاستاذ وضحك وقالهم .. حد يقولى انا قاصد ايه .. وأيه اللى خلانى أعزمكم منك ليها يا هانم أنتى ويا بيه .. اللى قاله عشان القهوه طعمها حلو وبتجمعنا .. ومنهم اللى ابتسمت وقالت لا أكيد مش هو ده المعنى ..ممكن لو تكرمت تشرحلنا وتسمعنا قصدك ايه وايه هو المعنى..
قالهم الحياة زى القهوة هى هى.. وده قصدى ودى النية .. بس كل واحد أطار حياته غير .. فيه اللى حياته تبان للناس حلوة وشيك ..بس جواه مُر الله لا يوريك..ولا يجيب اللى فيه فيك..وفيه اللى حياته تبان متعبه .. وهو عنده رضا بقضاء ربه وقناعته ..فعلا موهبه.. ومنهم كمان اللى بيبان قدام الناس حياته من خشب .. ومايرضى يبدل حياته بقناطير من الدهب..
كلكم بصيتوا للى فى ايد غيركم .. وللعلم انا مش بلومكم .. انا بس بعرفكم ..أن كل واحد فى أيده حياته.. متضيعهاش بالبص على اللى ممكن يكون فاتك.. أو اللى ربك مكتبهاش ليك ... متعرفش كان هيجرالك ايه لو كانت فى ايديك .. ففى الأخر كلها  قهوة .. أستمتع ومتدلدقهاش .. ومتركزش مع اللى ميسواش.. اشرب قهوتك..واعرف ان شكل فنجانك مش بأيديك .. بس بأيديك تغير مصيرك ..أشتغل وأتعب.. علشان تلاقى قهوتك حلوة دايما بوش ..
أظن كده الرسالة وضحت وبقت تمام ..ويلا بقى ورينا همتك يا هُمام .. ربك يكمل حياتك بالستر..ويبعد عنك أى طمع فى حياتك أو غدر.

أقرأ أيضا: مصر ترفع رصيد الذهب إلى 47 طن بنهاية 2022 بقيمة 3.2 مليار دولار

التعليقات

أستطلاع الرأي